మోడల్ జిల్లా గ్రంథాలయ భవనాన్ని ప్రారంభించిన మంత్రి హరీష్ రావు

 

50వేల ఉద్యోగాల భర్తీపై మంత్రి 

మోడల్ జిల్లా గ్రంథాలయ భవనాన్ని ప్రారంభించిన మంత్రి హరీష్ రావు

(మెగా టైమ్స్  ప్రతినిధి సిద్దిపేట 5-4- 2021) సోమవారం సిద్దిపేట జిల్లా కేంద్రంలో మోడల్ జిల్లా గ్రంథాలయ భవనాన్ని మంత్రి హరీష్ రావు ప్రారంభించారు.  ఈ సందర్భంగా ఆయన మాట్లాడుతూ విజ్ఞానం మనిషికి తరగని నిధి అని ఎంతో విజ్ఞానం సంపాదిస్తే అంతగా మనిషి ఎదుగుదల ఉంటుందన్నారు. విద్యార్థులు తమకు కావాల్సిన పుస్తకాలు ఏమిటో తెలియపరిస్తే వాటిని ఖచ్చితంగా అందుబాటులోకి తీసుకొస్తామన్నారు. ప్రతి మనిషి పుట్టింది మొదలు మరణించే వరకు నిరంతర విద్యార్థి అని అన్నారు. నేషనల్ లెవెల్ లో పోటీపరీక్షలకు ప్రిపేరయ్యే అభ్యర్థులకు ఈ మోడల్ జిల్లా గ్రంథాలయం బాగా  ఉపకరిస్తుంది అన్నారు. ఈ డిజిటల్ లైబ్రరీలో మొత్తం 13 కంప్యూటర్లు ఉన్నాయని,  ఉచిత ఇంటర్నెట్ ద్వారా వీటిని సద్వినియోగం చేసుకోవాలన్నారు. ఈ లైబ్రరీ ని నేషనల్ డిజిటల్ లైబ్రరీకి లింక్ చేశామని తెలిపారు. అన్నిరకాల బుక్స్ లైవ్ విజువల్స్ ఇంటర్నేషనల్ జర్నల్స్ అందుబాటులో ఉంటాయన్నారు. తెలంగాణ వచ్చాక ఒక లక్షా 30 వేల ఉద్యోగాల భర్తీ చేశామని రానున్న రోజుల్లో మరో 50 వేల ఉద్యోగాలు భర్తీ చేయనున్నామని మంత్రి హరీష్ రావు తెలిపారు.